Në kuadër të Qendrës për Arsim të Kosovës (KEC), si organizatë joqeveritare dhe jofitimprurëse, zhvillohet projekti për të drejtat e fëmijëve.

Qëllimi i projektit është për t’i avancuar të drejtat e fëmijëve në Kosovë, duke ndërtuar kapacitete lokale në harmoni me të të drejtat e fëmijëve në sistemin edukativ dhe duke siguruar respektim më të madh për të drejtat e fëmijëve në të gjitha aspektet.

Që të njiheni me arsyeshmërinë e projektit, klikoni këtu

Duke u nisur nga thënia se pa diell nuk ka jetë, atëherë kjo vlen edhe për fëmijët të cilëve u cenohen të drejtat e tyre. Që fëmijët të kenë një të ardhme të ndritshme, duhet që dielli të shkëlqen plotësisht edhe për ta, prandaj në këtë logo, janë vendosur shkronjat TDF që do të thotë Të Drejtat e Fëmijëve. Ngjyra e kuqe në këto shkronja është zgjedhur që të jetë sinonim i semaforit me ngjyrë të kuqe, që secili e kupton se duhet të ndalet dhe të vrojton gjendjen deri sa të del ngjyra e gjelbërt.

Në rastin konkret, shkronja D nuk është e ngjyrosur e tëra me ngjyrë të kuqe sepse diç ka filluar të punohet në këtë drejtim dhe se duhet vazhduar këtë punë përderisa të plotësohen të drejtat e fëmijëve.

Kur të plotësohen këto të drejta, rrjedhimisht këto shkronja që janë në brendi të këtij dielli do të fshihen dhe pastaj këtë do ta kuptonin që dielli do të shkëlqen me kapacitet të plotë edhe për fëmijët si pjesa më e rëndësishme e çdo shoqërie në botë.

Kjo foto që ka fituar çmimin “Pulitzer", është bërë në vitin 1994, gjatë krizës së ushqimit në Sudan. Fotoja paraqet një fëmijë të uritur, i cili zhagas mundohet të lëvizë në drejtim të kampit të ushqimit të Kombeve të Bashkuara, që gjendej vetëm një kilometër larg nga vendi ku është bërë fotoja.